வரைகலை-4 கணினி வரைகலை குறித்த தரமான வலைப்பதிவுகள்-4

கோயம்புத்துர் பாலாஜி கணினி வரைகலைப்பயிலகத்தின் ”சங்கமம் - பாலாஜி கணினி வரைகலைப் பயிலகத்திலிருந்து”  என்ற வலைப்பதிவை நாம் ஏற்கனவே அறிமுகப்படுத்தியிருக்கிறோம். 

 அப்பயிலகத்தின் மற்றுமொரு வலைப்பதிவான ‘‘கணினி வரைகலைப் பக்கங்கள்’’ http://balajiicg.blogspot.com  வரைகலைஞர்களுக்கு பயனுள்ள ஒரு வலைப்பதிவாகும். 

இவ்வலைப்பதிவில் உள்ள ‘‘ஏன் இன்டிசைன்?” மற்றும் ‘‘அச்சு Vs இணையம்’’ ஆகிய கட்டுரைகள் மிகுந்த பயனுடையவையாக உள்ளன. வரைகலைஞர்கள் பயன்படுத்திக் கொள்ளுமாறு வேண்டுகிறோம்.

வரைகலை-3 கணினி வரைகலை குறித்த தரமான வலைப்பதிவுகள் -3

கணினி வரைகலை குறித்த தரமான வலைப்பதிவுகளை தேடிக்கொண்டிருக்கையில் மனம்+  என்ற வலைப்பதிவை காண நேர்ந்தது. அனிமேஷன் மென்பொருளான அடோப் ஃபிளாஷ் குறித்து அநேகமான பதிவுகள்(66)  சிறப்பாக இருக்கின்றன.  போட்டோஷாப் குறித்து தரப்பட்ட பதிவுகள்(22) மிக அருமையாக உள்ளன.

கணினி வரைகலைஞர்களுக்கு பயனுள்ள பதிவுகளை தரும் மனம்+ மென்மேலும் வளர வரைகலைஞன் வாழ்த்துகிறது.

வரைகலை-2 கணினி வரைகலை குறித்த தரமான வலைப்பதிவுகள்

கணினி வரைகலையில் தமிழகத்தின் முன்னணி எழுத்தாளர் மதிப்பிற்குரிய திரு.ஜெ.வீரநாதன் அவர்களுக்கு, இந்திய மொழிகளில் கணினி வரைகலையின் பிரதான மென்பொருள்களான பேஜ்மேக்கர், போட்டோஷாப், கோரல்டிரா, இன்டிசைன், மற்றும் இல்லஸ்ட்ரேட்டர் ஆகிய அனைத்து மென்பொருள்களுக்கும் விரிவான விளக்கங்களுடன் புத்தகம் எழுதிய ஒரே ஆசிரியர் என்ற பெருமை உண்டு. இவரது கோரல்டிரா பற்றிய புத்தகமான ”சித்திரமும் மவுஸ் பழக்கம்” தமிழக அரசின் விருது பெற்றது.

கோயம்புத்தூரில் ”பாலாஜி கணினி வரைகலைப் பயிலகம்” என்ற பெயரில் கணினி வரைகலைக்கான அனைத்து மென்பொருள்களுக்கும் சிறந்த முறையில் பயிற்சி அளித்து வருகிறார். தமிழகத்தின் அனைத்து நகரங்களில் இருந்தும் இவரிடம் ஏராளமானோர் கணினி வரைகலையில் பயிற்சி பெற்றுள்ளனர். இப்பயிலகம் ”கணினி வரைகலையின் சங்கமம் என்ற மாத இதழையும் நடத்தி வந்தது.

இப்பயிலகத்தின் வலைப்பதிவான ”சங்கமம் - பாலாஜி கணினி வரைகலைப் பயிலகத்திலிருந்துhttp://sangamamfrombicg.blogspot.com கணினி வரைகலை பற்றிய பதிவுகளையும், அப்பயிலகம் அளிக்கும் சிறப்பு பயிற்சிகள் பற்றிய பதிவுகளையும் உள்ளடக்கியது. பார்கோடுகள் பற்றிய சமீபத்திய பதிவு கணினி வரைகலைஞர்கள் அனைவரும் அறிந்திருக்க வேண்டியது. 

கணினி வரைகலைக்கு இப்பயிலகம் ஆற்றிவரும் சேவைகளை பாராட்டுவதிலும் வாழ்த்துவதிலும் வரைகலைஞன் பெருமை கொள்கிறது.

http://sangamamfrombicg.blogspot.com

வரைகலை-1 கணினி வரைகலை குறித்த தரமான வலைப்பதிவுகள்-1

நான் பதிவுகள் இடும் முன் தமிழில் கணினி வரைகலை குறித்த அல்லது கணினி வரைகலைஞர்களுக்கு பயனளிக்கும் வலைப்பதிவுகள் குறித்து பதிவுகள் இடுவது பொருத்தமானதாகவும் பயனுடையதாகவும் இருக்கும் என கருதுகிறேன்.
இவ்வகையில் வரைகலையின் பிரதானமான மென்பொருளான போட்டோஷாப் குறித்து பல வலைப்பதிவுகள் இருக்கின்றன. என்னைக் கவர்ந்த வலைப்பதிவாக ”சித்திரம் பேசுதடி” பற்றி குறிப்பிட விரும்புகிறேன்.  போட்டோஷாப்பில் நாம் வழக்கமாக செய்யும் வேலைகள் மட்டுமல்ல பிற எபெக்ட்கள் மற்றும் அனிமேஷன்களையும் அருமையாக விளக்கியுள்ளார். இவரது பணி மென்மேலும் தொடர வரைகலைஞன் வாழ்த்துகிறது.

எதற்காக வரைகலைஞன்?

கணினி வரைகலையில் ஆர்வமுள்ள பல பதிவர்களுள் நானும் ஒருவன். கணினி வரைகலை குறித்த பதிவுகளை இட முயலுகிறேன். உங்கள் அன்பும் ஆதரவும் என்றும் தேவை. ஓரிரு நாட்களில் எனது முதல் பதிவு.