வரைகலை-5 கணினி வரைகலை குறித்த தரமான வலைப்பதிவுகள்-5

பக்கம் பக்கமாக வரைகலை பற்றி பேசுவதையும் எழுதுவதையும் விட நல்ல முன்மாதிரியாக சில படைப்புகளை படைத்து விடுவது என்பது மிகுந்த பயனளிக்கக்கூடியது. அந்த வகையில் Chandran Scrap Book  என்ற இந்த வலைப்பதிவு வரைகலைக்கு மிகுந்த பங்களித்ததாகிறது. தமிழகத்தின் பல முன்னணி நிறுவனங்களுக்கு இவர்கள் கணினி வரைகலை மூலம் பொலிவு சேர்த்திருக்கிறார்கள்.

விளம்பரங்களில் வடிவமைப்பின் தரமும், கற்பனையும் நம்மை வியக்கச் செய்கிறது. ஆஹா எப்.எம், சென்னைசில்க்ஸ், குமரன் சில்க்ஸ், குமுதம், சன்டைரக்ட், தினமலர், வுட்பெக்கர், பில்ராத் ஹாஸ்பிட்டல்ஸ்,இமயம் நெய், அரசு பால்,  என இவர்களது பட்டியல் நீளுகிறது. மாதிரிக்காக வடிவமைப்புகள் இந்த வலைப்பதிவில் தொகுக்கப்பட்டுள்ளன. 

வரைகலைஞர்கள் முன்மாதிரியாகக் கொண்டு செயல்படத்தக்க சிறந்த வடிவமைப்புகள் இவை. சந்திரன் ஆர்ட் ஒர்க் மென்மேலும் சிறந்து வளர வரைகலைஞன் வாழ்த்துகிறது.

வரைகலை-3 கணினி வரைகலை குறித்த தரமான வலைப்பதிவுகள் -3

கணினி வரைகலை குறித்த தரமான வலைப்பதிவுகளை தேடிக்கொண்டிருக்கையில் மனம்+  என்ற வலைப்பதிவை காண நேர்ந்தது. அனிமேஷன் மென்பொருளான அடோப் ஃபிளாஷ் குறித்து அநேகமான பதிவுகள்(66)  சிறப்பாக இருக்கின்றன.  போட்டோஷாப் குறித்து தரப்பட்ட பதிவுகள்(22) மிக அருமையாக உள்ளன.

கணினி வரைகலைஞர்களுக்கு பயனுள்ள பதிவுகளை தரும் மனம்+ மென்மேலும் வளர வரைகலைஞன் வாழ்த்துகிறது.

வரைகலை-1 கணினி வரைகலை குறித்த தரமான வலைப்பதிவுகள்-1

நான் பதிவுகள் இடும் முன் தமிழில் கணினி வரைகலை குறித்த அல்லது கணினி வரைகலைஞர்களுக்கு பயனளிக்கும் வலைப்பதிவுகள் குறித்து பதிவுகள் இடுவது பொருத்தமானதாகவும் பயனுடையதாகவும் இருக்கும் என கருதுகிறேன்.
இவ்வகையில் வரைகலையின் பிரதானமான மென்பொருளான போட்டோஷாப் குறித்து பல வலைப்பதிவுகள் இருக்கின்றன. என்னைக் கவர்ந்த வலைப்பதிவாக ”சித்திரம் பேசுதடி” பற்றி குறிப்பிட விரும்புகிறேன்.  போட்டோஷாப்பில் நாம் வழக்கமாக செய்யும் வேலைகள் மட்டுமல்ல பிற எபெக்ட்கள் மற்றும் அனிமேஷன்களையும் அருமையாக விளக்கியுள்ளார். இவரது பணி மென்மேலும் தொடர வரைகலைஞன் வாழ்த்துகிறது.