வரைகலை-6 கணினி வரைகலைக்கான முதல் தமிழ் மின்னிதழ்

வரைகலைஞர்கள் அனைவரும் பின்வரும் அறிவிப்பை கவனமாக படித்து   விலையில்லா மின் இ த ழை பயன்படுத்தி பயனடையுமாறு பணிவுடன் வேண்டுகிறோம்.

அன்புடையீர், வணக்கம்.

நமது பயிலகம் வெளியிட்டுவந்த கணினி வரைகலையின் சங்கமம் இதழ் தற்போது மின்னிதழாக உருமாறியுள்ளது. ஆம், மாற்றங்கள் உலக நியதி என்பதன் அடிப்படையில், இதுவரையிலும் அச்சிதழாக வெளியிடப்பட்ட சங்கமம் இதழும், கணினி தொழில்நுட்பத்தின் மாறுதலுக்கு ஏற்ப, இனி மின்-நூலாக மாறுதலைப் பெற்றுள்ளது; மறு அவதாரம் எடுக்கின்றது.

இதனால், கணினி வரைகலைப் பகுதிக்காகத் தமிழில் வெளிவரும் முதல் மின்னிதழ் என்ற பெருமையையும் பெறுகின்றது.

வழக்கம்போல, தொழில்நுட்பக் கட்டுரைகள், செயல்முறை பயிற்சிகள் உள்ளிட்ட அனைத்தும் - வழக்கத்தைவிட மாறுபட்ட முறையில் - முழுமையான வண்ணத்தில் வடிவமைக்கப்பட்டுத் தரப்படவுள்ளன.

இதற்காக எந்தவித சந்தா தொகையும் பெறப்போவது இல்லை.
ஆம்! கணினி வரைகலையின் சங்கமம் இனி விலையில்லா இதழாக உங்களுக்கு அனுப்பி வைக்கப்படவுள்ளது.

நீங்கள் செய்ய வேண்டியது இவ்வளவுதான்!

பின்வரும் வலைதளத்தில் தரப்பட்டுள்ள விண்ணப்பத்தைப் பூர்த்தி செய்து இணையம் வழியாகவே அனுப்புங்கள். இதன் தொடர்ச்சியாக, நீங்கள் கொடுக்கும் அஞ்சல் முகவரிக்கு ஒரு அஞ்சல் அட்‌டையில் ஒரு வரிசை எண்ணை உங்களுக்கு அனுப்புகின்றோம். அதனை மின்னஞ்சல் (மேற்படி விண்ணப்பத்தில் குறிப்பிட்டுள்ள உங்கள் மின்னஞ்சல் முகவரி) வழியே எங்களுக்குத் தெரிவித்தால் போதும். இதன் தொடர்ச்சியாக இனி எப்போதும் சங்கமம் உங்கள் மின்னஞ்சல் பெட்டியில் வந்து சேர்க்கப்பட்டுவிடு்ம்.

www.veeranathan.com/sangamam.php

இது தொடர்பாக மேலதிகத் தகவலுக்குத் தொடர்புகொளளவும் :
செல்பேசி : 98422-13782, 99444-13782 மின்னஞ்சல் : sangamamfrombicg@yahoo.com


என்றும் உங்கள் நல்லாதரவினை எதிர்ந‌ோக்கும்,


ஜெ. வீரநாதன்
Veeranathan, J
Balaji Institute of Computer Graphics
Exclusive Training center for CGD / Publisher & Seller of Books
167, Police Kandasamy Street, Olympus, Ganeshapuram
Ramanathapuram, Coimbatore - 641 045, India
Phone : Off. 0422-2323228, Cell : 98422-13782 Mobile : 99444-13782
E-mail : balajiicg@yahoo.com Web : http://www.veeranathan.com
Blog : http://balajiicg.blogspot.com (பயிலகம் தொடர்பான செய்திகளுக்கு)
http://sangamamfrombicg.blogspot.com (கணினி வரைகலைத் தொடர்பான கட்டுரைகளுக்கு)

வரைகலை-4 கணினி வரைகலை குறித்த தரமான வலைப்பதிவுகள்-4

கோயம்புத்துர் பாலாஜி கணினி வரைகலைப்பயிலகத்தின் ”சங்கமம் - பாலாஜி கணினி வரைகலைப் பயிலகத்திலிருந்து”  என்ற வலைப்பதிவை நாம் ஏற்கனவே அறிமுகப்படுத்தியிருக்கிறோம். 

 அப்பயிலகத்தின் மற்றுமொரு வலைப்பதிவான ‘‘கணினி வரைகலைப் பக்கங்கள்’’ http://balajiicg.blogspot.com  வரைகலைஞர்களுக்கு பயனுள்ள ஒரு வலைப்பதிவாகும். 

இவ்வலைப்பதிவில் உள்ள ‘‘ஏன் இன்டிசைன்?” மற்றும் ‘‘அச்சு Vs இணையம்’’ ஆகிய கட்டுரைகள் மிகுந்த பயனுடையவையாக உள்ளன. வரைகலைஞர்கள் பயன்படுத்திக் கொள்ளுமாறு வேண்டுகிறோம்.

வரைகலை-2 கணினி வரைகலை குறித்த தரமான வலைப்பதிவுகள்

கணினி வரைகலையில் தமிழகத்தின் முன்னணி எழுத்தாளர் மதிப்பிற்குரிய திரு.ஜெ.வீரநாதன் அவர்களுக்கு, இந்திய மொழிகளில் கணினி வரைகலையின் பிரதான மென்பொருள்களான பேஜ்மேக்கர், போட்டோஷாப், கோரல்டிரா, இன்டிசைன், மற்றும் இல்லஸ்ட்ரேட்டர் ஆகிய அனைத்து மென்பொருள்களுக்கும் விரிவான விளக்கங்களுடன் புத்தகம் எழுதிய ஒரே ஆசிரியர் என்ற பெருமை உண்டு. இவரது கோரல்டிரா பற்றிய புத்தகமான ”சித்திரமும் மவுஸ் பழக்கம்” தமிழக அரசின் விருது பெற்றது.

கோயம்புத்தூரில் ”பாலாஜி கணினி வரைகலைப் பயிலகம்” என்ற பெயரில் கணினி வரைகலைக்கான அனைத்து மென்பொருள்களுக்கும் சிறந்த முறையில் பயிற்சி அளித்து வருகிறார். தமிழகத்தின் அனைத்து நகரங்களில் இருந்தும் இவரிடம் ஏராளமானோர் கணினி வரைகலையில் பயிற்சி பெற்றுள்ளனர். இப்பயிலகம் ”கணினி வரைகலையின் சங்கமம் என்ற மாத இதழையும் நடத்தி வந்தது.

இப்பயிலகத்தின் வலைப்பதிவான ”சங்கமம் - பாலாஜி கணினி வரைகலைப் பயிலகத்திலிருந்துhttp://sangamamfrombicg.blogspot.com கணினி வரைகலை பற்றிய பதிவுகளையும், அப்பயிலகம் அளிக்கும் சிறப்பு பயிற்சிகள் பற்றிய பதிவுகளையும் உள்ளடக்கியது. பார்கோடுகள் பற்றிய சமீபத்திய பதிவு கணினி வரைகலைஞர்கள் அனைவரும் அறிந்திருக்க வேண்டியது. 

கணினி வரைகலைக்கு இப்பயிலகம் ஆற்றிவரும் சேவைகளை பாராட்டுவதிலும் வாழ்த்துவதிலும் வரைகலைஞன் பெருமை கொள்கிறது.

http://sangamamfrombicg.blogspot.com