கம்ப்யூட்டர் கலைடாஸ்கோப் !

Click here to see the site

சிறுவயதில் கோவில் திருவிழாக்களில் கலைடாஸ்கோப் வாங்கியிருக்கிறீர்களா! கண்ணாடித்துண்டுகள் மற்றும் வளையல் துண்டுகள் ஒளி எதிரொளிப்பு முறையில் ஏராளமான டிசைன்களை உருவாக்கும் கண்கொள்ளாக் காட்சியை ரசித்திருக்கிறீர்களா! இந்த வகையான டிசைன்கள் தொழில்முறையில் பல டிசைன்களை உருவாக்கப் பயன்படுவதாக அறிவியல் பாடப்புத்தகத்திலும் படித்திருப்போம்.
இதே தத்துவத்தை அடிப்படையாகக் கொண்டு பல அருமையான டிசைன்களை உருவாக்கித் தருகிறது இத்தளம். மாதிரி பேட்டர்னில் உள்ள ஸ்லைடரை நகர்த்த நகர்த்த நமது கண்ணுக்கு விரு்ந்தளிக்கும் பல அருமையான டிசைன்கள் உருவாக்கப்படுகின்றன. லட்சக்கணக்கான டிசைன்களைக் கண்டு ஆச்சரியத்தில் நமது கண்கள் விரிகின்றன. இந்த அனுபவத்தை நீங்களும் அனுபவியுங்களேன்.
இந்த டிசைன்களை நீங்கள் எக்ஸ்போர்ட் செய்யவும் முடிவதால், பல வடிவமைப்புகளில் இந்த டிசைன்களைப் பயன்படுத்த முடிகிறது. பணம் செலுத்திப் பதிவு செய்து கொண்டால் கூடுதல் வசதிகள் கிடைக்கின்றன.
போட்டோஷாப்பில் பத்து முதல் இருபது நிமிடம் வரை செய்யக்கூடிய வேலையை சில நொடிகளில் செய்து முடிக்க முடிகிறது. வரைகலைஞர்கள் அவசியம் பயன்படுத்திப் பயன்பெற வேண்டுமாய் கேட்டுக்கொள்கிறோம். அவசியம் ரசித்துவிட்டு உங்கள் கருத்துக்களை நம்முடன் பகிர்ந்து கொள்ளுங்கள்.

கிராபிக் டிசைனிங் அடிப்படை நுணுக்கங்கள்

இந்த வலைத்தளத்தில் கிராபிக் டிசைனிங் பற்றிய அடிப்படை நுணுக்கங்கள், அடிப்படையான கொள்கைகள், சிடிகவர் தயாரித்தல், லோகோ தயாரித்தல், புத்தக அட்டைவடிவமைப்பு, விசிட்டிங் கார்டுகள் வடிவமைப்பு, மற்றும் இது தொடர்பான இணைய ரிசோர்ஸ்கள், மற்றும் டுடோரியல்கள் தொகுக்கப்பட்டுள்ளன. வரைகலைஞர்கள் பயன்படுத்திப் பயன்பெற வேண்டுமாய் கேட்டுக்கொள்கிறோம். உயர்த்துவோம் நம் கலையை உலகத்தரத்திற்கு.